| 話咁快就一個月喇, 今晚剛剛好來左澳洲一個月, 地方唔同左, 語言有一半時間都唔同左, 雖然都幾經常用返廣東話同同學傾計XD, 不過係多左少少機會用英文o既, 生活唔同左, 人唔同左, 環境唔同左, 仲未好想去適應佢. 由於比香港快2小時, 已經冇以前o既夜生活, 時間快2小時, 食飯仲要早2小時, 即係香港8點食飯的話, 我就係o係香港時間4點食緊晚飯/o\ 成日我都盡量拖到夜o的食, 太早食就迫住好早訓呢... 早上好早就起身, 原因不明, 呢個係一個謎...成日7點半就自己會醒左, 可能係陽光, 可能係狗吠...都習慣了... 即係迫我早訓呢. 飲食方面, 香港o的飯正常o的, homestay個mum煮的方法唔太一樣, 因為冇電飯煲呢... 就算係大快活o的唔太好食o既飯都好懷念呢...嗚嗚嗚... Mum質好多野食俾我, 我希望唔會肥住返來啦, 希望可以瘦o的先返來, 話咁快就一個月, 去過Melbourne city同Queensliff, 加埋學校o的Cultural Visit團, 都算去左唔少地方, 今日執好左o的相, 希望呢星期可以一次過upload上facebook度, 因為屋企冇得上網, 買手指上網要就住用呢, 唯有o係學校先upload相啦, 呢樣就最唔慣了. 從相片中發現到一o的野...唉...都唔知咩原因...由第一日影到好多人, 每一個week, 鏡頭前o既人都會愈來愈少... 個團體好似四分五裂咁... 希望可以再o係我的鏡頭前影到更多o既笑臉, 機會可一不可再, 希望此行無悔^o^ P.S. 恭喜Sharon同Louis, 希望你地個BB快高長大 P.S.2. 希望新公司運作順利, 辛苦Miss Wong你喇 P.S.3. Baby, 絕對sure非常十分極之very頗為很太過好鬼死43, 14314433, 14322222222224 ^O^ P.S.4. 其他ELites, 祝你地去英國同美國都一路順風, 玩得開心喇~^^ |
